शिवरात्रीका लागि पशुपतिमा करिब १ महिना अघिदेखि चहलपहल सुरु हुन्छ । शिवरात्रीकै लागि भनेर भारतबाट समेत साधु,सन्त तथा नागाबाबा पाशपत क्षेत्रमा आउने गरेका छन् ।
शिवरात्रीको व्यवस्थापन मिलाउन कोषले विभिन्न समिति तथा उपसमिति बनाएर काम गरिरहेको छ। यस दिनलाई विशेष बनाउन कोषले १४ फिटको बाटेको धुप र १० फिटको सिन्के धुप बालिने खत्रीले जानकारी दिए। कोषको उपसमितिले भक्तजनका लागि निःशुल्क भोजनको जिम्मा लिइएको छ भने पशुपति क्षेत्रमा निःशुल्क भोजन गराउनेहरूले फोहर व्यवस्थापन आफै गर्न निर्देशन पनि दिइएको छ। पशुपति क्षेत्रमा रङरोगन, सरसफाइ तथा स्वागतद्वार निर्माण गरिएको छ।
शिवरात्रीको दिन मन्दिरभित्र ७ लाख र बाहिर मेला भर्न मात्र करिब १० लाखभन्दा बढी भक्तजन आउने कोषको अनुमान छ।
पाशपत क्षेत्रमा करिब २ सय वटा पुजा सामाग्री बेचविखन गर्ने पसल छन्। शिवरात्रीको दिनमा एउटै पसलले औसत ५० हजारको हाराहारीमा कारोबार गर्छन् यो हिसाबले उक्त दिन १ करोडको पुजा सामाग्री मात्रै बिक्री हुन्छ।

पुजा सामग्रीको व्यापार शिवरात्रीको २÷३ दिनअघिदेखि नै पुजा सामग्रीको व्यापारी बढने गरेको छ । यस्तै पशुपतिमा यसदिन खाना, रोटीदेखि पानीसम्म विभिन्न संघसंस्थाले वितरण गर्छन्। त्यस्ता संघसंस्थाका लागि कोषले निशुल्क ठाउँ उपलब्ध गराउँछ।

काठमाडौं बाहिर र भारतबाट करिब १० हजार दर्शनार्थी पशुपति आउँछन्। यस्ता दशनार्थी पाटीपौवादेखि ५ तारे होटलमा बस्ने गरेका छन्।

शिवरात्रीमा पुजा सामग्री पसलपछि चहलपहल होटलमा हुन्छ। काठमाडौं बाहिर र भारतबाट करिब १० हजार दर्शनार्थी पशुपति आउँछन्। यस्ता दशनार्थी पाटीपौवादेखि ५ तारे होटलमा बस्ने गरेका छन्। बाहिरबाट आउने दर्शनार्थीमध्ये आधा दर्शनार्थीमत्रै सामान्य होटलमा बस्दा खर्च हुने प्रतिव्यक्ति अनुमानित २ हजार रुपैयाँको दरले हिसाब गर्दा दर्शनार्थीले करिब १ करोड होटलमा बुझाउँछन्। यसरी बाहिरबाट आउने दर्शनार्थी पनि एक दिन मात्र नभई २र३ दिन बसेर मात्रै जान्छन्।

यसरी हेर्दा भक्तजनले यो ३ दिनमा करिब २ करोडको पुजा समाग्री र करिब २ करोड रुपैयाँ होटलमा मात्रै खर्च गर्छन्। यो बाहेक दर्शनार्थीलाई खाना, खाजा, पानी निशुल्क खुवाउने संस्थाहरुको खर्च पनि करोडमा छ। मेलामा आउने खेलौना, फलफुललगायत व्यापारीहरुले पनि राम्रो व्यापार गर्छन्।